12.10.2026 | 15:28
Խորհրդային հետախույզի թոռը հաղթել է Ֆրանսիայում սոցիալ-դեմոկրատների նախնական ընտրություններում
ԵՄ դեսպանին ասել եմ՝ տարածաշրջանային այս կոնֆլիկտը կարող է վերաճել մայրցամաքային կոնֆլիկտի. Եղոյան. ՏԵՍԱՆՅՈՒԹ
Քաղաքականություն
06.10.2020 | 16:45
Դիվանագիտական առումով իրավիճակն ամբողջությամբ մեր կողմն է: Եթե Թուրքիան չդադարեցնի Ադրբեջանին սատարելու գործողությունները, պետք է հավելյալ որոշումներ կայացվեն:
ԵՄ որոշ անդամ երկրներ արդեն հայտարարել են, որ հրաժարվում են զենքի վաճառքից։ Այս մասին այսօր լրագրողների հետ ճեպազրույցում ասաց ԱԺ Եվրոպական ինտեգրման հարցերի մշտական հանձնաժողովի նախագահ, իշխանական պատգամավոր Արման Եղոյանը:
«Մենք այժմ ռազմական գործողությունների ակտիվ փուլում ենք և դրանց ավարտից հետո ունենալու ենք լրիվ այլ իրավիճակ: Մի բան ակնհայտ է, որ այսօր ամբողջ աշխարհը գիտակցում է, որ սա տարածքային վեճ չէ, այլ վերածվել է Թուրքիայի ագրեսիվ քաղաքականության ճակատի: Այսօր Ադրբեջանի հարցերը լուծված են, հիմա մենք գործ ունենք Թուրքիայի և նրա կողմից ֆինանսավորվող վարձկանների հետ»,- ասաց պատգամավորը:
Եղոյանը շեշտեց, որ ԵՄ դեսպան Անդրեա Վիկտորինի հետ այսօր քննարկել են Արցախում առկա իրավիճակը, և արդեն երեկոյան հայկական կողմի դիրքորոշումը հասանելի կլինի ԵՄ ինստիտուտների պատասխանատուներին։
«ԵՄ դեսպանին ասել եմ՝ տարածաշրջանային այս կոնֆլիկտը կարող է վերաճել մայրցամաքային կոնֆլիկտի»,- ընդգծեց պատգամավորը։
Մանրամասները՝ տեսանյութում:
Մերի Մարտիրոսյան
