05.11.2026 | 17:44
Ռաֆայել Նադալը կընդգրվի «Ռեալի» տնօրենների խորհրդի կազմում
Մերձավոր Արևելքից հարյուրավոր և արդեն նույնիսկ հազարավոր վարձկաններ են տեղափոխվում Ղարաբաղի սահմանանագիծ. Սերգեյ Նարիշկին
Քաղաքականություն
06.10.2020 | 16:10
Լեռնային Ղարաբաղի հակամարտության գոտի են տեղափոխվում «Ջաբաթ-ան Նուսրա» ահաբեկչական խմբավորման գրոհայինները։ «Ինտերֆաքս»-ի հաղորդմամբ՝ այս մասին հայտարարել է ՌԴ արտաքին հետախուզության ծառայության տնօրեն Սերգեյ Նարիշկինը։
«Մեր ունեցած տվյալներով՝ հակամարտության գոտի ակտիվորեն վարձկաններ են տեղափոխվում Մերձավոր Արևելքում կռվող միջազգային ահաբեկչական կազմակերպություններից, մասնավորապես՝ «Ջաբաթ ան-Նուսրա», «Ֆիրքաթ Համզա», «Սուլթան Մուրադ», նաև քրդական ծայրահեղ խմբավորումներ։ Խոսքը հարյուրավոր և արդեն նույնիսկ հազարավոր ծայրահեղականների մասին է, որոնք հույս ունեն գումար աշխատել Ղարաբաղյան նոր պատերազմում»,- ասվում է Նարիշկինի տարածած հայտարարությունում։
Սերգեյ Նարիշկինը նաև ընդգծել է՝ կասկած չունեն, որ միջազգային հանրության հետ համագործակցությամբ հակամարտության կողմերը կդադարեն ուժ գործադրել ու կնստեն բանակցությունների սեղանի շուրջ։
«Մեզ չի կարող չհանգստացնել, որ Անդրկովկասը կարող է դառնալ նոր հարթակ միջազգային ահաբեկչական կազմակերպությունների համար, որտեղից գրոհայինները կարող են ներթափանցել Ադրբեջանի ու Հայաստանի հարևան պետություններ, այդ թվում՝ Ռուսաստան»,- ասել է Նարիշկինը։
«Թուրքիայի կողմից Ադրբեջանին բացահայտ և միանշանակ աջակցությունը Ղարաբաղում այժմյան սրացման նոր արտաքին գործոն է»,- հավելել է ՌԴ արտաքին հետախուզության ծառայության տնօրենը։
Էմմա Չոբանյան
