09.06.2026 | 21:50
«Թալիբան»-ն Աֆղանստանի պետական ծառայողներին արգելել է սմարթֆոններ օգտագործել
ԱՄՆ Հայ դատի հանձնախումբը պահանջով դիմել է Իսրայելին
Քաղաքականություն
06.10.2020 | 15:42
ԱՄՆ Հայ դատի հանձնախմբի ղեկավար Րաֆֆի Համբարյանը նամակ է հղել ԱՄՆ-ում Իսրայելի դեսպան Ռոն Դերմերին՝ կոչ անելով «Իսրայելին անհապաղ դադարեցնել Ադրբեջանին մահացու կամ երկակի նշանակության նյութերի վաճառքը կամ փոխանցումը»։ Այս մասին տեղեկանում ենք հանձնախմբի կայքից։
Համբարյանը նշել է, որ սեպտեմբերի 27-ին Արցախի և Հայաստանի վրա ադրբեջանական անակնկալ հարձակումից հետո իսրայելական արտադրության ռազմական անօդաչու սարքերն ու LORA հրթիռներն անխտիր օգտագործվել են խաղաղ բնակչության դեմ:
«Այս և այլ մահացու զենքերի վաճառքը պետք է անհապաղ դադարեցվի՝ հանուն բարոյականության և միջազգային մարդասիրության իրավունքի։ Մենք հուսով ենք, որ մեր մտահոգությունները շտապ կփոխանցեք Իսրայելի կառավարությանը՝ աշխատելու անհապաղ դադարեցնել զենքի վաճառքն ու փոխանցումներն Ադրբեջանին և երաշխավորել, որ Իսրայելը երբեք մեղսակից չլինի երկրորդ Հայոց ցեղասպանությանը»,- նամակում նշել է ԱՄՆ Հայ դատի հանձնախմբի ղեկավարը:
Տաթև Ֆռանգյան
