25.04.2024 | 23:42
Սանոսյանն ու Կոպիրկինը քննարկել են Հայկական ԱԷԿ-ի երկրորդ էներգաբլոկի շահագործման երկարաձգման հարցը
Իշխանությունից արբած Էրդողանի իմպերիալիստական հակումներն ու միջազգային հանրության անգործությունը․ The Jerusalеm Post
Քաղաքականություն
06.10.2020 | 15:28
Լեռնային Ղարաբաղի շուրջ Հայաստանի և Ադրբեջանի միջև կատաղի հակամարտությունը Թուրքիային ևս մեկ հնարավորություն է ընձեռել՝ ընդլայնելու իր բռնի, իմպերիալիստական հակումները նախագահ Ռեջեփ Էրդողանի երկաթե բռունցքի ներքո:
Փաստորեն, Հայաստանի և Ադրբեջանի միջև ռազմական գործողությունների հանկարծակի բռնկումը, առավել հավանական է, որ մասամբ կազմակերպվում է Թուրքիայի կողմից՝ հաշվի առնելով թուրքական գործող ռեժիմի ավելի ու ավելի ագրեսիվ միջազգային քաղաքականությունը, գրում է The Jerusalеm Post-ը:
Լիբիայից Սիրիա, Հունաստան, Իրաք, Ադրբեջան և նույնիսկ Իսրայել, Թուրքիայի գործողությունները հեռու են միջազգային իրավունքի կամ բարոյականության ցանկացած չափանիշից:
Քանի որ Սիրիայում արյունալի պատերազմն այնքան էլ բարդ չէ, Թուրքիան փորձում է օգտվել Սիրիայում տիրող քաոսից ու դեռևս 2016 թվականից սկսել է իր ագրեսիվ ռազմական գործողություններն ու շարունակում է մինչև օրս՝ տեղի քուրդ բնակչությանը ճնշելու համար գրավելով Սիրիայի որոշ տարածքներ՝ պնդելով, որ մաքրում են «ահաբեկչական գոտիները»:
Բազմաթիվ անկախ կազմակերպություններ հայտնում են, որ Թուրքիան իրականացնում է էթնիկ զտումներ և այլ ռազմական հանցագործություններ փոքրամասնություն հանդիսացող տեղի բնակչության դեմ: Չնայած դրան՝ միջազգային կազմակերպություններն ու Միացյալ Նահանգները ոչինչ չեն ձեռնարկում՝ Թուրքիային պատասխանատվության ենթարկելու համար: Ինչպես հաճախ է պատահում անպատիժ մնացած մարդու իրավունքները խախտողների հետ, այնպես էլ Թուրքիայի ագրեսիան և ռազմական հանցագործությունները չեն սահմանափակվում միայն Սիրիայով։
Թուրքիան նաև սկսել է Սիրիայում տեղացիների հավաքագրումը՝ օտար երկրներում պատերազմներ վարելու համար, ինչպես Լիբիայում, որտեղ նույնպես Թուրքիան խոթել է քիթը։ Հիմա էլ տեղեկություններ կան, որ Անկարան սիրիացիների է հավաքագրում՝ Հայաստանի դեմ պատերազմի համար: Վերջերս Թուրքիայի ծավալապաշտական նկրտումներն ընդլայնվեցին դեպի Ադրբեջան, քանի որ Թուրքիան աջակցում է Ադրբեջանին Լեռնային Ղարաբաղում Հայաստանի դեմ իրականացված բռնություններում։
Հոդվածի վերջում պարբերականը շեշտում է, որ չնայած «Իսրայելի հարաբերությունները չափազանց խճճված են Ադրբեջանի և Հայաստանի հետ փոխհարաբերություններում՝ Իրանի դեմ դաշինքների պատճառով, սակայն Իսրայելը նույնպես պետք է շատ զգույշ լինի այս հակամարտության մեջ Ադրբեջանի (և որպես այդպիսին՝ Թուրքիայի) հետ հավասարեցման հարցում:
«Մենք չպետք է անտեսենք Էրդողանի ագրեսիան: Մենք պետք է պատասխան տանք Թուրքիային և վերջ տանք տարածաշրջանում նրա միջամտությանը»,- ասվում է հրապարակման մեջ։
Տաթև Ֆռանգյան
