25.09.2026 | 23:40
Եղիշե Մելիքյանը՝ Լատվիայի հավաքականի նկատմամբ հաղթանակի մասին. ՏԵՍԱՆՅՈՒԹ
Ալիևը հայտարարել է, թե Թուրքիան պետք է մասնակցի ԼՂ հակամարտության կարգավորմանը
Քաղաքականություն
05.10.2020 | 20:21
Ադրբեջանի նախագահ Իլհամ Ալիևը թուրքական TRT Haber հեռուստաալիքին տված հարցազրույցում հայտարարել է, որ Թուրքիան պետք է մասնակցի Լեռնային Ղարաբաղի հակամարտության կարգավորմանը, գրում է Anadolu գործակալությունը։
Խոսելով հակամարտության կարգավորման հարցում Մոսկվայի դիրքորոշման մասին՝ Ալիևը նշել է, որ ՌԴ-ն Ադրբեջանի հարևանն է, այդ երկրի հետ հարաբերությունները հաջողությամբ զարգանում են։ Փոխարենը Ադրբեջանի ղեկավարը չի մոռացել կրկին մեղադրել Հայաստանին՝ հայտարարելով, թե «Հայաստանը նպատակ ունի Ռուսաստանին ներքաշել այս հակամարտությունում»՝ կրկնելով Հայաստանի տարածքից Ադրբեջանի ուղղությամբ հարվածներ հասցնելու մասին Բաքվի տարածած ապատեղեկատվությունը։
«Ինչո՞ւ է Հայաստանը Ադրբեջանի ուղղությամբ հարվածներ հասցնում հենց Հայաստանի տարածքից։ Որպեսզի մենք պատասխան հարված հասցնենք Հայաստանի տարածքին, որպեսզի Հայաստանն իր հերթին դիմի Ռուսաստանի և ՀԱՊԿ-ի օգնությանը»,- հայտարարել է Ալիևը։
