17.09.2026 | 15:02
Շոյգուն հայտարարել է, թե ՀՀ-ում ՌԴ ներդրումներով ընկերությունների նկատմամբ, իբր, «ռեյդերային զավթում» է իրականացվում
Արմեն Սմբատյանն այլևս ներառված չէ հայ-իսրայելական օրակարգում․ ՀՀ ԱԳՆ աղբյուր
Քաղաքականություն
05.10.2020 | 16:46
Այսօր Իսրայելում ՀՀ դեսպան Արմեն Սմբատյանը Factor.am-ի հետ զրույցում նշել էր, թե հնարավոր է՝ երկու-երեք օրից Իսրայելը Ադրբեջանին զենք չմատակարարի:
«Իսրայելի արտաքին գործերի նախարարության հետ ենք համագործակցում, նախագահականում որոշակի մարդիկ կան, կան մարդիկ, որոնք ազդեցություն ունեն: Երկու-երեք օրից, ոնց որ, զենքի մատակարարումը կանգնացնելու ճանապարհին են: Պաշտոնական մակարդակներով ինձ բանավոր խոստում է տրվել»,- ասել էր դեսպանը:
Մեր հրապարակումից հետո ԱԳՆ-ի մեր հավաստի աղբյուրները փոխանցեցին, որ արդեն իսկ կայացված է որոշում՝ Արմեն Սմբատյանին փոխարինելու հարցով, և նա արդեն որոշակի ժամանակ է, ինչ ներառված չէ հայ-իսրայելական օրակարգում ու երկուստեք տարվող դիվանագիտական աշխատանքներում։ Միևնույն ժամանակ, մեր աղբյուրը հավելեց, որ Իսրայելի կողմից զենքի մատակարարման հարցը մշտապես քննարկումների օրակարգում է, և այդ ուղղությամբ աշխատանքներն անընդհատ են։
Արմեն Սմբատյանից այս հարցի շուրջ մեկնաբանություն ստանալ չհաջողվեց։
