02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
ՌԴ-ի, Ֆրանսիայի ու ԱՄՆ արտգործնախարարները ԼՂ հարցով համատեղ հայտարարությամբ հանդես կգան
Քաղաքականություն
05.10.2020 | 16:19
Ռուսաստանի, Ֆրանսիայի ու ԱՄՆ արտաքին գերատեսչությունների ղեկավարները համատեղ հայտարարություն են նախապատրաստում Լեռնային Ղարաբաղի հակամարտության վերաբերյալ։ Այս մասին հայտարարել է ՌԴ արտգործնախարար Սերգեյ Լավրովը Ռուսաստանում եվրոպացի գործարարների ասոցիացիայի ներկայացուցիչների հետ հանդիպման ժամանակ, գրում է ՌԻԱ Նովոստին։
«ԵԱՀԿ Մինսկի խմբի եռանախագահները՝ ի դեմս Ռուսաստանի, Ֆրանսիայի ու ԱՄՆ նախագահների, կոշտ հայտարարությամբ են հանդես եկել։ Այժմ մենք արտգործնախարարների համատեղ հայտարարություն ենք նախապատրաստում»,- ասել է նա։
Հիշեցնենք, որ ավելի վաղ Ռուսաստանի, ԱՄՆ ու Ֆրանսիայի ղեկավարները ԼՂ հակամարտության կողմերին կոչ էին արել դադարեցնել կրակը ու սկսել առանց նախապայմանների բանակցությունները։
