05.07.2026 | 01:14
«Ուիմբլդոն». Կարեն Խաչանովը դուրս է մնացել պայքարից
Ես չեմ հաստատել ՌԴ նախագահին սպասարկող օդանավի՝ ՀՀ վայրէջք կատարելու մասին տեղեկությունը. ՀՀ վարչապետի խոսնակ
05.10.2020 | 16:16
Ես չեմ հաստատել ՌԴ նախագահին սպասարկող օդանավի՝ Երևանում վայրէջք կատարելու մասին տեղեկությունը։ Ես հաստատել եմ, որ հատուկ բորտ է վայրէջք կատարել «Զվարթնոց» օդանավակայանում։ Այս մասին Factor.am-ի հետ զրույցում ասաց վարչապետի խոսնակ Մանե Գևորգյանը:
Հիշեցնենք՝ քիչ առաջ լրատվամիջոցները գրել էին, որ Երևան է ժամանել ՌԴ նախագահ Վլադիմիր Պուտինին սպասարկող ինքնաթիռը:
Այսօր ՀՀ ԱԳՆ-ից հայտնել էին, որ Հայաստան են այցելում ԵՏՄ միջկառավարական խորհրդի նիստի նախապատրաստական խմբերը:
«ԵՏՄ միջկառավարական խորհրդի նիստի նախապատրաստական աշխատանքները շարունակվում են։ Դրա շրջանակում Հայաստան են այցելում նախապատրաստական խմբեր»,- տեղեկացրել էր ԱԳՆ խոսնակ Աննա Նաղդալյանը:
Նշենք, որ ԵՏՄ միջկառավարական խորհրդի նիստը կանցկացվի Երևանում հոկտեմբերի 9-ին։
Նարեկ Կիրակոսյան
