01.07.2026 | 20:38
Ադրբեջանի և Հայաստանի հարաբերությունների կարգավորման գործընթացը հաջողությամբ շարունակվում է․ Ալիևը՝ ԵՀ նախագահին
Թուրքիան գործի է դրել իր ամենադաժան զենքը․ 1 միլիոն քուրդ զրկված է խմելու ջրից․ Arabnews
Քաղաքականություն
05.10.2020 | 15:09
Սիրիայի հյուսիս-արևելքում տեղակայված Ռաս ալ-Աին քաղաքում դատարկ ջրի տարաների երկար շարասյուն է շարված փողոցում, որտեղ կանայք ու նրանց անհանգիստ երեխաներն անտանելի շոգին սպասում են իրենց ջուր բերող մեքենային, գրում է Arabnews-ը։
Արդեն մի քանի շաբաթ է՝ Թուրքիայի զինված ուժերը կրկին դադարեցրել են Ռաս ալ-Աին քաղաքի ջրամատակարարումը այնտեղից 5 կմ հեռավորության վրա գտնվող Ալուկի պոմպակայանից։ Այս պոմպակայանը ջուր է մատակարարում Հասակա նահանգում բնակվող շուրջ 1 միլիոն մարդու։ Առանց այդ պոմպակայանի տարածաշրջանում մարդիկ առանց խմելու ջրի են մնում։
«Արդեն մեկ ամիս է՝ ջուր չունենք»,- պատմել է 22-ամյա Ահմեդ Զուբայիրը, ով աշխատում է տեղի խանութներից մեկում։
«Առանց ջրի մենք չենք կարող մեզ պաշտպանել կորոնավիրուսային հիվանդությունից։ Սա հանգեցնում է հիվանդությունների տարածմանը, քանի որ լվացվելու ջուր չկա, այն միայն բավականացնում է խմելուն։ Սա վտանգավոր է երեխաների և, ընդհանրապես, հասարակության համար»,- ասել է նա։
