19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Հայերն արժանի են հարատև խաղաղության՝ երկարատև պատմական հալածանքից հետո․ Էլթոն Ջոնն հաջակցություն Արցախի հրապարակում է արել
Մշակույթ
05.10.2020 | 14:09
Բրիտանացի աշխարհահռչակ երգիչ, երգահան և դաշնակահար սըր Էլթոն Ջոնը միացել է աշխարհասփյուռ բազմաթիվ հայերին ու Instagram-ի իր էջում կարմիր քառակուսի պատկերող լուսանկար տեղադրել՝ խաղաղություն պահանջելով Լեռնային Ղարաբաղի ու Հայաստանի համար։
«Ես այսօր միանում եմ մյուսներին՝ հրապարակելով այս կարմիր քառակուսին, քանի որ մենք խաղաղություն ենք ուզում Հայաստանի համար։
2018 թվականի մայիսին ես այցելել եմ այս գեղեցիկ երկիրն ու հայերի կողմից շրջապատվել եմ բարությամբ ու մարդասիրությամբ։ Այժմ Հայաստանն ու Արցախը ենթարկվում են ադրբեջանա-թուրքական ագրեսիային։ Թիրախավորվում են քաղաքացիական բնակչությունը, երկու կողմից էլ կան զոհեր։
Հայերը գեղեցիկ մարդիկ են, նրանք արժանի են հարատև խաղաղության՝ երկարատև պատմական հալածանքից հետո»,- գրել է նա։
