07.04.2026 | 09:50
Հրդեհ Քասախ բնակավայրում․ այրվել են աղբամաններ և ավտոմեքենա
Լեռնային Ղարաբաղում Սիրիայից 93 զինյալ է սպանվել․ ՌԻԱ Նովոստի
Քաղաքականություն
05.10.2020 | 13:47
Լեռնային Ղարաբաղում սպանվել է Սիրիայից 93 զինյալ, որոնցից 53-ի դին տեղափոխվել է Սիրիա։ Այս մասին հայտնում է ՌԻԱ Նովոստին՝ վկայակոչելով Սիրիայի ընդդիմությունում իրավիճակին քաջատեղյակ սեփական աղբյուրներին։
«Կիրակի Սիրիա է տեղափոխվել 53 զինյալի դի։ Այսպիսով Սիրիայում սպանված վարձկանների ընդհանուր թիվը կազմել է 93»,- պատմել է գործակալության զրուցակիցը։
Բացի այդ, նրա տվյալների համաձայն՝ անցած հանգստյան օրերին ԼՂ հակամարտության գոտի է տեղափոխվել Սիրիայից զինյալների երրորդ խումբը։
«Ուղարկվել է 430 մարդ»,- նշել է գործակալության աղբյուրը։
Ավելի վաղ ՌԻԱ Նովոստիի մեկ այլ աղբյուր հայտնել էր, որ հոկտեմբերի 1-ի դրությամբ՝ Ադրբեջանում լավ զինված 322 սիրիացի զինյալ կա։
