28.03.2026 | 13:38
Մարդկանց ահ ու սարսափի մեջ եք պահում, ասում եք` ընտրեք, որ պատերազմ չլինի, թոռնիկս ծառայում է. քաղաքացի․ ՏԵՍԱՆՅՈՒԹ
Բյուջեի դեֆիցիտը կսպասարկվի ամբողջությամբ պարտք ներգրավելու հաշվին․ Ջանջուղազյան. ՏԵՍԱՆՅՈՒԹ
Տնտեսություն
05.10.2020 | 12:03
Ակնհայտ է, որ ռազմական դրությունն ունենալու է իր բացասական ազդեցությունը տնտեսության վրա: Այս մասին այսօր ԱԺ ֆինանսավարկային և բյուջետային հարցերի մշտական հանձնաժողովն արտահերթ նիստում ասաց ՀՀ ֆինանսների նախարար Ատոմ Ջանջուղազյանը:
Արտահերթ նիստի օրակարգում «Հայաստանի Հանրապետության 2020 թվականի պետական բյուջեի մասին» օրենքում փոփոխություններ և լրացում կատարելու մասին հարցն է։ Նախագծում նշված է, որ պետական բյուջեում փոփոխությունները պայմանավորված են հայտարարված ռազմական դրության ընթացքում Ադրբեջանի Հանրապետության զինված ուժերի ձեռնարկած գործողությունների արդյունքում Հայաստանի Հանրապետության վրա զինված հարձակման անմիջական վտանգը կանխելու, Հայաստանի Հանրապետության ինքնիշխանությունը, անվտանգությունը, տարածքային ամբողջականությունն ապահովելու նպատակներով:
Ատոմ Ջանջուղազյանի խոսքով՝ կանխատեսվում է, որ ռազմական դրության բացասական ազդեցության հետևանքով 2020 թվականին սպասվում է 6.8% տնտեսական անկում, և 2020 թվականի պետական բյուջեի հարկային եկամուտները կկազմեն շուրջ 1,320.5 մլրդ դրամ:
«Մենք իրականացնելու ենք լրացուցիչ որոշակի ծախսեր, որոնք ի սկզբանե կանխատեսել էինք՝ գնահատելով ռազմական դրության բացասական ազդեցության հետ կապված հնարավոր ռիսկերը, նախատեսում է ռազմական ծախսերն ավելացնել մոտ 40 միլիարդ դրամի չափով»,- նշեց Ջանջուղազյանը:
Նա նաև ընդգծեց, որ բյուջեի դեֆիցիտը կսպասարկվի ամբողջությամբ պարտք ներգրավելու հաշվին:
Մանրամասները՝ տեսանյութում:
