28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Եվրոպան հայտնվել է «Ալեքս» փոթորկի թիրախում․ կան զոհեր ու ավերածություններ
Քաղաքականություն
05.10.2020 | 12:40
Իտալիային հարվածած «Ալեքս» փոթորկի հետևանքով Սան Ռեմո քաղաքում ու Միջերկրական ծովի ափի մի շարք այլ բնակավայրերում զոհվել է 5 մարդ, գրում է DW-ի ռուսական ծառայությունը։
Վնասվել են էլեկտրահաղորդման լարեր, ինչի հետևանքով 1․000 մարդ զրկվել է էլեկտրամատակարարումից։
Երկրի իշխանությունները կրկին նախազգուշացնում են ջրհեղեղների վտանգի մասին, մասնավորապես, երկրի հյուսիսում՝ Պո գետի մերձակայքում։ Պիեմոնտի շրջանում վնասվել են մի շարք փողոցներ ու կամուրջներ։ Լիմոնե Պիեմոնտե համայնքի իշխանությունները հայտարարել են «աղետալի իրավիճակի» մասին։
Տարերային աղետը զոհերի է հանգեցրել նաև Ֆրանսիայում։ AFP-ի տվյալներով՝ Սեն Մարտեն Վեզյուբի կոմունայում ավտոմեքենայի մեջ հայտնաբերվել է տղամարդու դի։ Պաշտոնական տեղեկությունների համաձայն՝ 8 մարդ զոհվել է, որոնցից 2-ը՝ հրշեջ։ Մտավախություն կա, որ զոհերի թիվը կարող է ավելանալ։
Ավստրիայում ևս փրկարար ծառայությունները ստիպված են եղել վերացնել ծառերի անկման և ջրհեղեղի հետևանքները: Տեղեկացվում է, որ 4-ամյա երեխա է մահացել՝ հայտնվելով կոտրված ծառի տակ։
Շվեյցարիայում A2 մայրուղին հայտնվել է ջրի տակ, այն արգելափակված է։
Storm Alex has carved a path of destruction across Italy and France. #9News pic.twitter.com/bIZbwIbmKk
— 9News Sydney (@9NewsSyd) October 5, 2020
