12.10.2026 | 14:30
29 տարով՝ 240 մլն դոլարի վարկ․ ԱԺ-ն քննարկում է տեղահանվածների բնակարանային ապահովման ծրագիրը. ՏԵՍԱՆՅՈՒԹ
Ռումինիայի նախագահն անդրադարձել է ԼՂ հակամարտության գոտում տիրող իրավիճակին. «Արմենպրես»
Քաղաքականություն
04.10.2020 | 16:28
Ռումինիայի նախագահ Կլաուս Յոհաննիսը (Klaus Iohannis) հոկտեմբերի 1-ից 2-ը Բրյուսելում մասնակցել է Եվրոպական խորհրդի արտահերթ նիստին, որի ընթացքում անդրադարձել է նաև ԼՂ հակամարտության գոտում իրադրությանը։
«Արմենպրես»-ի փոխանցմամբ՝ այս մասին հայտնում է Ռումինիայի նախագահի պաշտոնական կայքը:
«Ինչ վերաբերում է Լեռնային Ղարաբաղի հակամարտությանը, Եվրոպական խորհուրդը կոչ արեց անհապաղ դադարեցնել ռազմական գործողությունները, վերահաստատել կողմերի հավատարմությունը տևական զինադադարին և հակամարտության խաղաղ կարգավորմանը, ինչին հնարավոր չէ հասնել ռազմական ճանապարհով կամ արտաքին միջամտությամբ: Եվրոպական առաջնորդները շեշտեցին, որ Ադրբեջանն ու Հայաստանը պետք է վերադառնան բանակցությունների սեղան առանց նախապայմանների: Եվրոպական խորհուրդը վերահաստատեց իր աջակցությունը ԵԱՀԿ Մինսկի խմբին և կոչ արեց ԵՄ արտաքին գործերի և անվտանգության քաղաքականության բարձր ներկայացուցչին փնտրել Եվրամիության համար նոր ուղիներ՝ աջակցելու հակամարտության կարգավորման գործընթացին»,- ասել է նա:
Ռումինիայի նախագահը վերահաստատել է իր կոչը՝ հակամարտության դեէսկալացիայի և քաղաքական երկխոսությունը վերսկսելու վերաբերյալ՝ միջազգային իրավունքի համաձայն խաղաղ լուծումներ գտնելու համար:
Նախագահ Կլաուս Յոհաննիսը հայտնել է իր աջակցությունը նաև Մինսկի խմբի աշխատանքներին և խրախուսել Եվրամիության ավելի ակտիվ դերակատարությունը ճգնաժամի կարգավորման գործընթացում:
