02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Մենք կոտրելու են թշնամու ողնաշարը, որ արյունոտ հայացքը էլ չուղղի մեր հայրենիքին. Փաշինյան. ՏԵՍԱՆՅՈՒԹ
Քաղաքականություն
03.10.2020 | 18:02
Հաղթանակը, միայն ու միայն հաղթանակը, բացառապես հաղթանակն է այն ավարտը, որ մենք պատկերացնում ենք այս պայքարի վերջում։ Դիմելով հայ ժողովրդին՝ այս մասին հայտարարեց ՀՀ վարչապետ Նիկոլ Փաշինյանը։
«Այսօր արդեն Արցախի Պաշտպանության բանակն իրականացրել է ակտիվ հակահարձակողական գործողություններ և հասել էական հաջողությունների՝ ջախջախելով թշնամական մի քանի հատուկ նշանակության ստորաբաժանումներ։ Մեր թշնամին որքան էլ վարձկան հրոսակների առատ հոսք ունենա, չի կարող մրցակցել ապրելու և հաղթելու հայկական կամքի հետ», – հավելեց նա։
Վարչապետը նշեց, որ հայկական կողմը համատեղ ջանքերով պետք է կոտրի հարձակվող ոսոխի ողնաշարը։ «Որպեսզի նա այլևս երբեք իր ձեռքերը չպարզի մեր ուղղությամբ, իր հայացքը չուղղի մեր հայրենիքին»,- ասաց Փաշինյանը։
Նա ասաց՝ սա մի նոր Սարդարապատ է և մեզանից յուրաքանչյուրը պարտավոր է ինքն իրեն նվիրել մեկ նպատակի, որի անունն է հաղթանակ։
«Մեզանից յուրաքանչյուրն ամեն վայրկյան պետք է պատրաստ լինի գտնվել այդ հաղթանակի առաջնագծում։ Ու մենք կհաղթենք, ու մենք անպայմանորեն կհաղթենք, ու չկասկածեք, մենք անպայմանորեն կհաղթենք» ,- հայտարարեց Նիկոլ Փաշինյանը։
Մանրամասները՝ տեսանյութում:
