19.09.2026 | 17:52
Քոբայրի վանական համալիրի մոտ քաղաքացին ընկել և վնասել է ձեռքը․ ՆԳՆ
Վրաստանն արգելել է իր տարածքով ռազմական նշանակության բեռների տեղափոխումը Հայաստան և Ադրբեջան
Քաղաքականություն
03.10.2020 | 13:20
Վրաստանի կառավարությունը որոշում է կայացրել արգելել իր տարածքով ռազմական նշանակության բեռների տեղափոխումը Հայաստան ուԱդրբեջան՝ Լեռնային Ղարաբաղում ռազմական գործողությունների սրման ֆոնին։ Այս մասին հայտնել է Վրաստանի ՆԳ նախարար, Ազգային անվտանգության խորհրդի քարտուղար Վախթանգ Գոմելաուրին, գրում է ՏԱՍՍ-ը։
«Հայաստանի ու Ադրբեջանի միջև ռազմական գործողությունների պատճառով Վրաստանի կառավարությունը ժամանակավորապես կդադարեցնի իր ցամաքային ու օդային տարածքով ռազմական նշանակության բեռների տեղափոխման թույլտվության տրամադրումը երկու երկրներին։ Այս մասին կողմերն արդեն տեղեկացվել են»,- ասել է Գոմելաուրին։
Ինչ վերաբերում է քաղաքացիական բեռների տեղափոխմանը, պաշտոնյայի խոսքով՝ այս առումով Վրաստանն ամբողջությամբ կիրականացնի ստանձնած միջազգային պարտականությունները։
