20.05.2026 | 12:56
Սևանի ափամերձ տարածքներում ապամոնտաժվել է 119 ապօրինի շինություն
Կանադան կարգելի Անկարային ռազմամթերքի վաճառը, եթե ապացուցվի ԼՂ ռազմական գործողություններում Թուրքիայի մասնակցությունը
Քաղաքականություն
02.10.2020 | 20:18
Կանադայի ԱԳ նախարար Ֆրանսուա Ֆիլիպ Շամպանյը հայտարարել է, որ պատրաստ է դադարեցնել ՆԱՏՕ-ի իր դաշնակից Թուրքիային ռազմական արտադրանքի արտահանման թույլտվությունների տրամադրումը, եթե հետաքննությունը հաստատի, որ կանադական տեխնոլոգիաները հանգեցնում են Մարդու իրավունքների խախտման: Այս մասին գրում է nationalpost.com-ը։
Շամպանյը նման հայտարարությամբ է հանդես եկել՝ Հայաստանի և Ադրբեջանի միջև վերսկսված ռազմական գործողություններում ներգրավվածության մասին Թուրքիային ուղղված մեղադրանքներից հետո։
«Ես հանձնարարել եմ մեր պաշտոնյաներին՝ անհապաղ հետաքննել այս մեղադրանքների իսկությունը», – ասել է Շամպանյը։
«Ես պատրաստ եմ կասեցնել կամ չեղարկել ցանկացած թույլտվություն, եթե հայտնաբերվի չարաշահում։ Ես այս առիթով խոսել եմ տարբեր շահագրգիռ կողմերի հետ, ովքեր բարձրացրել են այս հարցը։ Ես նրանց անհանգստությունը լուրջ եմ համարում»,- նշել է Կանադայի արտգործնախարարը։
