19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԵԱՀԿ Մինսկի խումբը մտադիր է հասնել Լեռնային Ղարաբաղում ռազմական գործողությունների դադարեցմանը
Քաղաքականություն
02.10.2020 | 15:57
ԵԱՀԿ Մինսկի խմբի համանախագահները մտադիր են հասնել Լեռնային Ղարաբաղում ռազմական գործողությունների դադարեցմանն ու առանց նախապայմանների բանակցությունների վերսկսմանը։ Այս մասին ասվում է Ֆրանսիայի ԱԳՆ ղեկավար Ժան Իվ Լը Դրիանի՝ Հայաստանի և Ադրբեջանի ԱԳ նախարարների հետ հեռախոսազրույցներից հետո տարածած հայտարարությունում։
«Հոկտեմբերի 1-ի ԱՄՆ, Ֆրանսիայի և Ռուսաստանի նախագահների երկու հայտարարություններում էլ ես ընդգծել եմ, որ Ֆրանսիան, որպես ԵԱՀԿ Մինսկի խմբի համանախագահ, վճռական է և իր անաչառ դերակատարությունը կունենա ռազմական գործողությունների դադարեցման ու առանց նախապայմանների ԵԱՀԿ Մինսկի խմբի շրջանակներում բանակցությունների վերսկսման համար»,- նշված է Ֆրանսիայի ԱԳՆ հայտարարությունում։
Գերատեսչությունում նշել են, որ Լը Դրիանն իր զրույցներում կրկին կոչ է արել կողմերին՝ առանց նախապայմանների ու հապաղման վերսկսել բանակցությունները։
