12.10.2026 | 17:51
Էմմա Պալյանը հայտնել է Ալեն Սիմոնյանի օգնականը դառնալու մասին
ԵՄ-ն Բելառուսի դեմ պատժամիջոցներ է կիրառել․ Լուկաշենկոն չի ներառվել այդ ցուցակում
Քաղաքականություն
02.10.2020 | 13:39
ԵՄ անդամ երկրները Բելառուսի դեմ պատժամիջոցներ են կիրառել՝ այդ երկրում նախագահական ընտրություններից հետո ստեղծված իրավիճակի պատճառով։ Այս մասին հայտնել է ԵՄ Խորհրդի ղեկավար Շառլ Միշելը, գրում է BBC-ի ռուսական ծառայությունը։
Նրա խոսքով՝ սահմանափակումներն առնչվում են շուրջ 40 մարդու։ Բելառուսի գործող նախագահ Ալեքսանդր Լուկաշենկոն այդ ցուցակում չի հայտնվել։
«Վաղը գրավոր տեսքով մենք կհաստատենք Բելառուսի դեմ պատժամիջոցները։ Գիտեք, որ սեղանին շուրջ 40 անձից բաղկացած ցուցակ կա»,- ասել է նա ԵՄ գագաթնաժողովի առաջին օրվա արդյունքների ամփոփիչ մամուլի ասուլիսի ժամանակ։
Եվրախորհրդարանի ղեկավար Ուրսուլա ֆոն դեր Լյայենը հայտարարել է, որ պատժամիջոցների ցուցակը նախապես է պատրաստված եղել, իսկ դրանց գրավոր հաստատումը զուտ տեխնիկական հարց է։
Նշվում է, որ պատժամիջոցների ցանկում Ալեքսանդր Լուկաշենկոյի ներառումը կարող էր ձախողել բանակցային գործընթացին նրա ներգրավումը։
