02.07.2026 | 13:21
Անդրանիկ Թևանյանը դատի է տվել Վահագն Ալեքսանյանին․ պահանջում է հերքում, ներողություն և 9 մլն դրամ
ԵԱՀԿ ՄԽ համանախագահ երկրների ղեկավարների հայտարարությանն արձագանքը կլինի ավելի ուշ և ոչ իմ մակարդակով. Աննա Նաղդալյան. ՏԵՍԱՆՅՈՒԹ
Քաղաքականություն
01.10.2020 | 22:25
ԵԱՀԿ ՄԽ համանախագահ երկրների ղեկավարների հայտարարությանն արձագանքը կլինի ավելի ուշ և ոչ իմ՝ ԱԳՆ խոսնակի մակարդակով։ Այս մասին մամուլի ասուլիսում ասաց ՀՀ ԱԳՆ մամուլի խոսնակ Աննա Նաղդալյանը՝ անդրադառնալով ՌԴ-ի, Միացյալ Նահանգների և Ֆրանսիայի նախագահների համատեղ հայտարարությանը:
«Այս պահի դրությամբ մենք ունենք միջազգային հանրության վճռական, հստակ դիրքորոշումը, որ պետք է քայլեր ձեռնարկվեն մարտական գործողությունները դադարեցնելու ուղղությամբ։ Ինչ վերաբերում է Թուրքիայից հնչող հայտարարություններին, ապա ԱԳ նախարարությունը բազմիցս հանդես է եկել գնահատականներով Թուրքիայի ներգրավվածության վերաբերյալ։ Ես հղում կկատարեմ ՀՀ ԱԳՆ հայտարարությանը՝ միայն մեկ հավելում անելով, որ, ինչպես 2016 թվականի ագրեսիայի ժամանակ, այնպես էլ հիմա Ադրբեջանը մարտական գործողությունների համապատասխան ֆոն նախապատրաստելով՝ հանդես է գալիս Մինսկի խմբի գործունեության քննադատությամբ, սա աշխարհաքաղաքական նպատակ է հետապնդում՝ ամրապնդելու Թուրքիայի դերը Հարավային Կովկասում»,- նշեց Աննա Նաղդալյանը։
Մանրամասները՝ տեսանյութում:
