01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Ճապոնիան կոչ է անում դադարեցնել Լեռնային Ղարաբաղում ռազմական գործողությունները. ՏԱՍՍ
Քաղաքականություն
01.10.2020 | 12:06
Ճապոնիայի իշխանությունները կոչ են արել Լեռնային Ղարաբաղի հակամարտության մեջ ներգրավված կողմերին դադարեցնել ռազմական գործողություններն ու նստել բանակցությունների սեղանի շուրջ։ Այս մասին հայտարարել է Ճապոնիայի նախարարների կաբինետի գլխավոր քարտուղար Կացունոբու Կատոն, գրում է ՏԱՍՍ-ը։
«Մենք կոչ ենք անում ներգրավված բոլոր կողմերին՝ դադարեցնել ռազմական գործողությունները, առավելագույն զսպվածություն ցուցաբերել ու անցնել երկխոսության»,- նշել է նա։
Կատոն նաև ընդգծել է, որ Ճապոնիայի կառավարությունը լուրջ մտահոգություն է հայտնել տարածաշրջանում ռազմական բախումների կապակցությամբ, որոնք հանգեցնում են խաղաղ բնակչության շարքերում զոհերի։
«Մենք մտադիր ենք ուշի-ուշով հետևել իրադարձությունների զարգացմանը»,- հավելել է նա։
