28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Հայաստանից Մեղրիի անջատումը Թուրքիայի և Ադրբեջանի ամենակարևոր թիրախներից մեկն է․ Սուրեն Սարգսյան. ՏԵՍԱՆՅՈՒԹ
Քաղաքականություն
01.10.2020 | 12:12
Ադրբեջանը շարունակում է պատերազմական գործողություններն Արցախի տարածքի ու բնակչության նկատմամբ։ Եվ դրան աջակցում է հատկապես Թուրքիան։ Պատերազմի արտաքին քաղաքական բաղադրիչների մասին Factor TV-ի եթերում այսօր զրուցել ենք միջազգայնագետ Սուրեն Սարգսյանի հետ։
– Միջազգային հանրությունը հաճախ նշում է, որ արտատարածաշրջանային ուժերը չպետք է մասնակցեն ԼՂ հակամարտության գոտում ընթացող մարտերին։ Այս հարցում ո՞ր կետերն են, որտեղ Հայաստանի ու միջազգային հանրության շահերը համընկնում են։
– Բնականաբար, կարևոր ուղղություններից մեկը Թուրքիայի ներգրավվածությունն է, որովհետև, ըստ էության, Թուրքիան հակամարտող կողմ է դառնում իր ակտիվ մասնակցությամբ։ Եթե այդ տեղեկություններն էլ հաստատվեն, որ թուրքական գեներալներ են նստած ադրբեջանական շտաբերում, դա, բնականաբար, լրացուցիչ ապացույց է, որ Թուրքիան ունի ներգրավվածություն։
Միջազգային հանրության համար գաղտնիքներ չկան, թե ով է իրական ագրեսորը և ինչպես է ամեն ինչ սկսվել։ Դրա համար, երբ ասում ենք, որ անհասցե են հայտարարությունները, այո՛, հանրային դաշտում անհասցե են, բայց կուլիսային դիվանագիտության դաշտում, հեռախոսազանգերի ընթացքում կամ դիվանագետների հանդիպումների ընթացքում, բնականաբար, հատուկ ծառայություններից ստացված տեղեկությունների վերաբերյալ իրենց անհանգստությունը հայտնում են։ Ադրբեջանին ասում են՝ մենք գիտենք, որ դու ունես թուրքական աջակցություն և այլն։
– Ադրբեջանն է կռվում Թուրքիայի աջակցությա՞մբ, թե՞ Թուրքիան է կռվում Ադրբեջանի միջոցով։
– Երկուսն էլ կռվում են միմյանց միջոցով և միմյանց աջակցությամբ։ Եվ, ըստ էության, այսօր կարևոր է հասկանալ, որ Հայաստանն այսօր կռվում է ոչ միայն Ադրբեջանի, այլև Թուրքիայի դեմ, որովհետև եթե կան թուրքական զինվորականներ, կան թուրքական գեներալներ, կա թուրքական ավիացիա, և դա, կարծես, ապացուցված փաստ է, ու խոշոր խաղացողները և գերտերությունները շատ լավ տեղյակ են այս ամեն ինչից։ Դրա համար ես կարծում եմ՝ Թուրքիայի հետ և Թուրքիայի համար Ադրբեջանը կռվում է, և լրիվ նույնը կարելի է ասել հակառակ։
– Այսինքն՝ երկուսին էլ ձեռնտու է այս իրավիճակը։
– Այո՛, երկուսին էլ ձեռնտու է։ Վերջին հաշվով՝ իրենց համար կարևոր խնդիր է ընդհանուր սահման ունենալ Նախիջևանի միջոցով։ Եվ սա նրանց համար ամենակարևոր թիրախն է։ Այսինքն՝ Մեղրիի անջատումը Հայաստանից նրանց համար կարևոր թիրախներից մեկն է։ Եվ սա իրենց համար ստեղծում է դաշնակցային հարաբերություններ։
Հարցազրույցն ամբողջությամբ՝ տեսանյութում։
Գարիկ Հարությունյան
