Քաղաքականություն
30.09.2020 | 20:35Factor.am-ի հարցազրույցը ՀՀ ԱԺ «Իմ քայլը» խմբակցության պատգամավոր Միքայել Զոլյանի հետ
– Երրորդն օրն է՝ ինչ արցախա-ադրբեջանական սահմանագծում ակտիվ ռազմական գործողություններ են։ Հակառակորդը ռազմական ինքնաթիռով ռմբակոծել է Մարտակերտ քաղաքը, որի հետևանքով երեք խաղաղ բնակիչ է զոհվել և կան վիրավորներ։ Սա Արցախի Հանրապետության նախագահի խոսնակի հաղորդած տեղեկությունն է։ Խաղաղ բնակչության թիրախավորման փաստը Հայաստանը ինչպե՞ս է պատրաստվում միջազգային ատյաններում բարձրացնել։ Մենք գիտենք, որ օրերս ՄԻԵԴ-ն ընդունեց ՀՀ-ի դիմումը՝ Ադրբեջանի նկատմամբ միջանկյալ միջոց կիրառելու հարցով։
– Նախ՝ ցավակցություններս եմ հայտնում զոհված խաղաղ բնակիչների ու զինծառայողների հարազատներին։ Յուրաքանչյուր կորուստ շատ ցավոտ է։ Այստեղ մենք պետք է հասկանանք՝ ինչո՞ւ է Ալիևը Էրդողանի աջակցությամբ նման հրամաններ տալիս, ինչո՞ւ է հրամայում գրոհել խաղաղ բնակչության վրա։ Երբ որ չկա ռազմական հաջողություն, երբ նրանց զորքը չի կարողանում առաջ շարժվել, դրանից հետո սկսվում է հոգեբանական պատերազմը, ահաբեկչությունը, սա իրոք ահաբեկչություն է, փորձում են մարդկանց ահաբեկել։
Եթե ադրբեջանցի և թուրք զինվորականները չեն կարողանում իրենց գործն անել, նրանք սկսում են կրակել խաղաղ բնակիչների վրա։ Եվ ցավոք սրտի սա կանխատեսելի էր, որ նման ազրգացումներ լինելու են, բայց ընտրություն չունենք, պետք է շարունակենք պայքարը, որովհետև այսպիսի ահաբեկչական մեթոդների դեմ․․․ հայտնի սկզբունքը կա, որ ահաբեկիչների հետ չեն բանակցում, քանի դեռ հակառակորդը ահաբեկչական մեթոդներ է օգտագործում, բանակցություն չի լինելու, միայն՝ եթե այս ամենը ավարտվի, բնականաբար, կլինի վերադարձ բանակցային սեղանին, բայց արդեն դա չի լինի նախկին գործընթացը։
Հարցազրույցն ամբողջությամբ՝ տեսանյութում։
Ռոբերտ Անանյան
