05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Բաքվի զինվորական հոսպիտալը լի է վիրավորներով․ այստեղ հատուկ հսկողություն է սահմանված
Քաղաքականություն
30.09.2020 | 21:01
Բաքվի կենտրոնական զինվորական հոսպիտալը լի է վիրավորներով և աշխատում է արտակարգ ռեժիմով։ Այս մասին հաղորդում է ադրբեջանական Freeazerbaijan.info կայքը։
Աղբյուրի փոխանցմամբ՝ շտապօգնության մեքենաներն ամեն ժամ հիվանդանոց են հասցնում ծանր վիրավորների։ Նշվում է նաև, որ հոսպիտալն անվտանգության աշխատակիցների խիստ վերահսկողության տակ է, որոնք հրաման ունեն ներս չթողնել կողմնակի անձանց, այդ թվում՝ զինվորիների հարազատներին։
«Այդ պատճառով հոսպիտալի երկու մասնաշենքերի դռների մոտ հավաքված են երկրի բոլոր շրջաններից եկած զինվորների հարազատները։ Մարդիկ նույնիսկ չգիտեն՝ իրենց զինվորը այնտե՞ղ է, թե՞ ոչ, քանի որ հիվանդանոցի ղեկավարությունը զոհվածների ու վիրավորների ցուցակ չի ներկայացնում»,- գրում է կայքը՝ հավելելով, որ զոհվածներին միանգամից թաղում են, և քանի որ սոցցանցերն աշխատում են մեծ ընդհատումներով, վիրավոր զինծառայողների հարազատները որևէ տեղեկություն չեն կարողանում ստանալ։
Նշենք, որ Ադրբեջանի պաշտպանության նախարարությունը մինչև օրս չի ներկայացրել սեպտեմբերի 27-ից ընթացող ռազմական գործողությունների ընթացքում իր կորուստների թիվը, տեղեկություններ չեն հաղորդվում նաև վիրավորների թվի մասին։
Էմմա Չոբանյան
