15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Մերկելը ԵՄ-ի հետ կքննարկի Նավալնիի թունավորման առնչությամբ համատեղ արձագանքի անհրաժեշտությունը
Քաղաքականություն
30.09.2020 | 19:54
Գերմանիան իր եվրոպական գործընկերների հետ կքննարկի Ռուսաստանին ուղղված համատեղ պատասխանը՝ կապված ռուսաստանցի ընդդիմադիր Ալեքսեյ Նավալնիի՝ «Նովիչոկ»-ով թունավորման դեպքի հետ, երբ Քիմիական զենքի արգելման կազմակերպության կողմից հրապարակվի այս գործով զեկույցը։ Այս մասին հայտարարել է Գերմանիայի կանցլեր Անգելա Մերկելը, գրում է DW-ի ռուսական ծառայությունը։
«Մենք սպասում ենք Քիմիական զենքի արգելման կազմակերպության կողմից հրապարակվելիք զեկույցին, ինչից հետո մեր եվրոպացի գործընկերների հետ կքննարկենք անհրաժեշտ համատեղ արձագանքը»,- ասել է Մերկելը։
Նա ընդգծել է, որ Նավալնիի թունավորումը միջազգային խնդիր է։
«Մենք կոչ ենք անում Ռուսաստանին ավելի թափանցիկ հետաքննություն իրականացնել Նավալնիի թունավորման դեպքի առնչությամբ»,- հավելել է Գերմանիայի դաշնային կանցլերը։
