13.12.2024 | 14:22
Պեսկովը հայտնել է, որ Պուտինի և Փաշինյանի հանդիպում Մոսկվայում չի նախատեսվում
Մխիթար Հայրապետյանը հանդիպել է Իրանի դեսպանի հետ
Քաղաքականություն
30.09.2020 | 15:05
Այսօր Ազգային ժողովում Հայաստան-Իրան բարեկամական խմբի ղեկավար Մխիթար Հայրապետյանը հանդիպել է ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրիի հետ։
«Հանդիպման ընթացքում Հայրապետյանը ներկայացրել է վերջին օրերին Ադրբեջանի և Թուրքիայի կողմից Հայաստանի և Արցախի ուղղություններով իրականացվող ագրեսիան՝ անդրադարձ կատարելով նաև այն փաստին, որ հակառակորդը ռազմական գործողություններում ներգրավել է նաև վարձկան ահաբեկիչների:
Դեսպան Զոհուրին վերահաստատել է Իրանի դիրքորոշումը Արցախյան հիմնախնդրի շուրջ՝ հույս հայտնելով, որ խնդիրը կհանգուցալուծվի խաղաղ բանակցությունների միջոցով և այս կապակցությամբ փոխանցեց իրանական կողմի պատրաստակամությունը՝ աջակցելու այդ գործընթացին:
Հանդիպման ընթացքում մտքեր են փոխանակվել վերջին օրերին ծավալված իրադարձությունների մի շարք հանգամանքների վերաբերյալ»,- ասված է ԱԺ-ի տարածած հաղորդագրությունում:
