21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Կարող ենք հստակ ասել, որ վարձկաններ կան․ անուն ազգանուններով, բնակության վայրերով նշված են․ Հ․ Քոչարյան. ՏԵՍԱՆՅՈՒԹ
30.09.2020 | 14:20
Վարձկանների մասին տեղեկությունը սկզբում արաբական մեկ աղբյուրից էր շրջանառվում, այնուհետև բազմազան աղբյուրներ հայտնվեցին, որոնք փաստեցին, որ վարձկաններ կան՝ անուն-ազգանուններով, նկարներով, բնակության վայրերով նշված են: Այս մասին այսօր հրավիրված մամուլի ասուլիսում ասաց արևելագետ Հայկ Քոչարյանը:
Նրա խոսքով՝ վարձկանների առկայության հարցն արդեն կասկածի տակ չի դրվում, և դա ազդում է դիսկուրսի փոփոխության վրա:
«Երկու տերմին է օգտագործվում՝ վարձկաններ և դաիշականներ, պետական համակարգերին մոտ կանգնած և մերձավորարևելյան երկրներում վարձկանների փոխարեն օգտագործվում է դաիշական տերմինը՝ ցույց տալու համար նրանց ահաբեկչական բնույթը: Ակնհայտ է, որ Սիրիայի հյուսիսային շրջանից բերված տարբեր ծայրահեղական խմբեր են, որոնք փորձառություն են անցել նաև Լիբիայում, փորձառու են և օգտագործվում են որոշակի խնդիրներ լուծելու համար, սակայն, ինչպես տեսնում ենք, դա կասեցվում է մեր ուժերի կողմից»,- նշեց արևելագետը:
Մանրամասները՝ տեսանյութում:
