24.02.2026 | 18:00
4,5 մլրդ դրամ՝ ԱԺ ընտրությունների համար // Իրանի դեսպանը՝ համատեղ զորավարժությունների մասին․ ԼՈՒՐԵՐ
Ղազախստանում կորոնավիրուսային իրավիճակը սրվում է․ նոր սահմանափակումներ են կիրառվում
Քաղաքականություն
30.09.2020 | 14:23
Ղազախստանի առողջապահության նախարար Ալեքսեյ Ցոյը նախազգուշացրել է, որ երկրի բնակչության զգոնությունը նվազում է, ինչը կարող է հանգեցնել կորոնավիրուսով վարակակիրների թվի աճին, գրում է tengrinews.kz-ը։
Նշվում է, որ խստացված ստուգումները ցույց են տալիս, որ կարանտինային ռեժիմի թուլացման հետ մեկտեղ խախտումների թիվն աճել է ՝ 30․4-ից հասնելով 40․7 տոկոսի։
Նախարար Ալեքսեյ Ցոյն առաջարկել է նոր սահմանափակումներ մտցնել Ղազախստանում թռիչքների հետ կապված։ Այս իրավիճակը կապված է օտարերկրյա պետություններում կորոնավիրուսային իրավիճակի վատթարացման հետ։
Նա առաջարկել է կրճատել, մասնավորապես, Թուրքիայի հետ չվերթները։
Ցոյը նաև առաջարկել է երկրորդ կարգի երկրներից ժամանածների համար նոր՝ ավելի կոշտ պահանջներ սահմանել։
«Ջերմաչափումներ, անկետավորում, COVID-19-ի թեստավորման արդյունքների առկայություն։ Թեստի բացակայության դեպքում ժամանածները կմեկուսացվեն երկու օրով՝ թեստավորում անցնելու համար»,- նշել է նա։
Հավելենք, որ Ղազախստանում մեկ օրում գրանցել է 374 նոր դեպք։ Ընդհանուր առմամբ, սեպտեմբերի 30-ի դրությամբ երկրում կորոնավիրուսով վարակվածների թիվը 107.908 է, մահվան ցուցանիշը՝ 1.731։
