05.11.2026 | 19:04
Գուրգեն Արսենյանը պարգևատրվել է ՌԴ ԱԳՆ «Փոխգործակցության համար» կրծքանշանով
Մակրոնը քննադատել է ԼՂ-ի մասին Թուրքիայի հայտարարությունները՝ նշելով, որ ԼՂ իրավիճակը կքննարկի Պուտինի ու Թրամփի հետ
Քաղաքականություն
30.09.2020 | 13:48
Ֆրանսիայի նախագահ Էմանուել Մակրոնը քննդատել է Թուրքիայի հայտարարությունները Լեռնային Ղարաբաղի վերաբերյալ, գրում է ՌԻԱ Նովոստին։
Ռիգայում Լատվիայի վարչապետի հետ մամուլի ասուլիսի ընթացքում Ֆրանսիայի նախագահն ասել է, որ Թուրքիայի քաղաքական հայտարարությունները Լեռնային Ղարաբաղի հակամարտության վերաբերյալ վտանգավոր է համարում։
«Ես ուշադրություն դարձրեցի Թուրքիայի քաղաքական հայտարարություններին, որոնք ինձ թվում են չմտածված ու վտանգավոր»,- ասել է Մակրոնը։
Նա ընդգծել է, որ Ֆրանսիան խիստ անհանգստացած է «Թուրքիայի կողմից արված ռազմատենչ հայտարարություններով, որոնք ձերբազատում են Ադրբեջանին գործողությունները զսպելուց»։
«Մենք դա թույլ չենք տա։ Ես ասում են շատ պարզ Հայաստանին ու հայ ժողովրդին, Ֆրանսիան կատարելու է իր դերը և մենք զգոն ենք լինելու ընտանիքներին, ժողովրդին և ինքնիշխանությունը հարգելու հարցում։ Մենք չենք ընդունում էսկալացիային նպաստող որևէ հայտարարություն»,- հայտարարել է Էմանուել Մակրոնը։
Նա, միաժամանակ, հայտարարել է, որ ծրագրում է հեռախոսազրույցներ ունենալ ՌԴ նախագահ Վլադիմիր Պուտինի ու ԱՄՆ նախագահ Դոնալդ Թրամփի հետ և նրանց հետ քննարկել Լեռնային Ղարաբաղում ընթացող ռազմական գործողությունները։
«Այսօր երեկոյան այդ հարցով կխոսեմ նախագահ Պուտինի հետ, կարծում եմ վաղն էլ՝ նախագահ Թրամփի հետ՝ կարծիքների փոխանակման ու լուծման ուղիներ առաջարկելու համար»,- ասուլիսի ժամանակ ասել է Մակրոնը։
Էմմա Չոբանյան
