12.10.2026 | 13:27
Չնչին ուշացում կարող ենք ունենալ․ Թևոսյանը՝ Արին-Բերդի փողոցում աշխատանքների մասին․ ՏԵՍԱՆՅՈՒԹ
ԼՂ հակամարտության մասշտաբային ակտիվացում ենք նկատում․ Զախարովա
Քաղաքականություն
29.09.2020 | 22:20
ՌԴ ԱԳ նախարարության դիտարկումներով՝ Լեռնային Ղարաբաղի հակամարտությունը մասշտաբային ակտիվացում է ունեցել։ Այս մասին հայտարարել է նախարարության պաշտոնական ներկայացուցիչ Մարիա Զախարովան։
«Ցավոք, մենք արդեն տեսնում ենք այս հակամարտության բավական մասշտաբային ակտիվացում»,- «Կոմսոմոլսկայա պրավդա»-ին տված հարցազրույցում ասել է Զախարովան։
Նա հայտարարել է, որ թեև աշխարհում միասնականություն, ընդհանուր առմամբ, չկա, բայց այս հարցում բոլորը խաղաղ կարգավորման կոչեր են անում։
Զախարովան նաև պնդել է, որ Ռուսաստանը իրավիճակի հանդարտացման ջանքեր է գործադրում։
«ՌԴ ղեկավարությունն իրավիճակի հանդարտեցման կոչ է անում։ Դրան են ուղղված մեր բոլոր ջանքերը։ Ո՛չ առաջին և ո՛չ էլ վերջին անգամ է աշխարհը բախվում հակամարտություններում իրավիճակի սրման, բայց ամեն անգամ հարկավոր է խաղաղ լուծման ուղիներ գտնել»,- նշել է նա։
