Քաղաքականություն
30.09.2020 | 11:43Ադրբեջանը խնդիր էր դրել կայծակնային պատերազմի միջոցով միանգամից փոխել իրադրությունը և արագ հասնել արդյունքի, նրան դա չհաջողվեց: Ստեփանակերտում Factor.am-ի հետ զրույցում այս մասին ասաց «Հենակետ» վերլուծական կենտրոնի հիմնադիր, Արցախի նախագահի նախկին խորհրդական Տիգրան Աբրահամյանը:
Նրա խոսքով՝ Հայաստանի և Արցախի Զինված ուժերը ճակատի տարբեր ուղղություններով անհրաժեշտ հարվածներ են հասցրել. «Ամենակարևորն այս պահին այն է, որ կոտրվել է հակառակորդի հարձակման հիմնական թափը, չնայած սահմանի տարբեր ուղղություններով թեժ մարտերը շարունակվում են: Ծավալվում են լայնամասշտաբ ռազմական գործողություններ, և դժվար է ասել, թե այս գործողությունները որքան կտևեն»:
Տիգրան Աբրահամյանի կարծիքով՝ անհրաժեշտություն կա մեծ ծավալի աշխատանք տանել նաև դիվանագիտական հարթակում:
«Այս պայթյունը վնաս է հասցնում ամբողջ տարածաշրջանին: Եվ այս պատերազմը սպառնալիք է միջազգային հանրության համար, այն կարող է բերել այլ կոնֆլիկտների ակտիվացմանը»,- ընդգծեց Տիգրան Աբրահամյանը:
Մանրամասները՝ տեսանյութում:
