17.04.2026 | 18:07
ՄԻՊ ներկայացուցիչներն արագ արձագանքման այց են իրականացրել Ոստիկանության բաժիններ
Հայաստանը պատրաստ է ընդունել ԵՏՄ միջկառավարական խորհրդի նիստը
Քաղաքականություն
29.09.2020 | 22:08
Հայաստանի իշխանությունը Եվրասիական տնտեսական հանձնաժողովին տեղեկացրել է, որ պատրաստ է հոկտեմբերի 9-ին ընդունել ԵՏՄ միջկառավարական խորհրդի նիստը, ինչպես և նախատեսված էր։ ՏԱՍՍ-ի փոխանցմամբ՝ այս մասին հայտնել է ԵՏՀ նախագահի օգնականը։
«Մենք [դա] ընդունել ենք ի գիտություն։ Կարծում եմ՝ փոխվարչապետները հինգշաբթի կքննարկեն հարցը խորհրդի նիստում»,- տեղեկացրել է Իա Մալկինան։
Ավելի վաղ նա հայտնել էր, որ Եվրասիական միջկառավարական խորհրդի նիստը հոկտեմբերի 9-ին Հայաստանում անցկացնելու ձևաչափը մշակվում է։
Նիստը Հայաստանում անցկացնելը կազմակերպելու համար ՀՀ վարչապետ Նիկոլ Փաշինյանը սեպտեմբերի 18-ին ստորագրել է հրաման։ Այժմ դիտարկվում են այն անցկացնելու տարբերակները։
