21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Ալիևը կրկին Հայաստանին մեղադրել է բանակցային գործընթացը խափանելու և անընդունելի պայմաններ առաջ քաշելու համար
Քաղաքականություն
29.09.2020 | 21:35
Ադրբեջանի նախագահ Իլհամ Ալիևը կրկին Հայաստանին մեղադրել է ղարաբաղյան հակամարտության կարգավորման բանակցությունները խափանելու համար՝ հայտարարելով, թե Բաքուն «հավատարիմ է բանակցությունների բովանդակությանն ու ձևաչափին»։ Այս մասին նա հայտարարել է «Ռոսիա 1» հեռուստաալիքի «60 րոպե թեժ հետքերով» հաղորդման ընթացքում, որին մասնակցել է նաև ՀՀ վարչապետ Նիկոլ Փաշինյանը, երկու երկրների ղեկավարն էլ՝ տեսակապի միջոցով։
Նա վստահեցրել է, որ Ադրբեջանը միշտ «կառուցողական է եղել» բանակցություններում՝ հայկական կողմին մեղադրելով դրանք խափանելու մեջ։
«Բանակցություններն ընթանում են Ադրբեջանի և Հայաստանի միջև։ Հակամարտության միայն երկու կողմ կա։ Հակամարտության բոլոր կողմեր չկան, դա սխալ մեկնաբանություն է, կա միայն երկու կողմ՝ Հայաստան և Ադրբեջան»,- հայտարարել է Իլհամ Ալիևը։
Սակայն Հայաստանի վարչապետը, ըստ նրա, հայտարարում է, որ Ղարաբաղը Հայաստան է։
«Այդ դեպքում ի՞նչ բանակցային գործընթացի մասին կարող է խոսք լինել։ Եթե նա ասում է, որ Ղարաբաղը Հայաստան է, և հավելում, որ մենք պետք է բանակցություններ վարենք խամաճիկային ռեժիմի հետ, ապա այդպիսով փորձում է կոտրել բանակցություների ձևաչափը, որը գոյություն ունի արդեն 20 տարի։ Նշանակում է՝ Հայաստանը գիտակցաբար խափանում է բանակցային գործընթացը, առաջ է քաշում անընդունելի պահանջներ»,- ասել է Ալիևը՝ հերթական անգամ կրկնելով Բաքվի թեզը, որ հուլիսին 12-ին և սեպտեմբերի 27-ին Հայաստանն է սադրանքի դիմել՝ իբր նախահարձակ լինելով։
