28.11.2024 | 10:28
Ռոբերտ Քոչարյանը, Յուրի Խաչատուրովը և Սեյրան Օհանյանն ինքնակամ ներկայացել են դատարան, նրանց բերման չեն ենթարկել
«Շարունակենք Արցախի հայերի դեմ Ադրբեջանի այս հարձակման մասին հավաստի տեղեկություններ տարածել»․ Քլոե Քարդաշյանի կոչը հետևորդներին
Քաղաքականություն
29.09.2020 | 17:47
Ամերիկյան ռեալիթի շոուի հայազգի աստղ Քլոե Քարդաշյանն ինստագրամյան էջում կոչ է արել միանալ իրեն և իրական ագրեսորի մասին հավաստի տեղեկություններ տարածել։
«Հայաստանում տեղի ունեցողը կոտրում է սիրտս: Աղոթում եմ բոլորի առողջության և անվտանգության համար: Միացեք ինձ, որպեսզի շարունակենք Արցախի հայերի դեմ Ադրբեջանի այս հարձակման մասին հավաստի տեղեկություններ տարածել: Հայաստանն ու Արցախն ինքնապաշտպանվում են և ունեն նաև միջազգային հանրության աջակցության կարիքը, որպեսզի վերջինս դատապարտի այս հարձակումները և տարածաշրջանում խաղաղություն հաստատի: Կիսվե՛ք տեղեկություններով, կոչ արե՛ք ԱՄՆ ներկայացուցիչներին խոչընդոտել հակամարտության հետագա սրումը»,- գրել է Քլոե Քարդաշյանը։
Ամերիկացի հայտնի ռեփեր Քանյե Ուեսթը իր թվիթերյան միկրոբլոգում հայտնել է, որ աղոթում է Հայաստանի համար։
«Աղոթում եմ Հայաստանի համար, աղոթում եմ Բրեոնա Թեյլորի ընտանիքի համար, աղոթում եմ համավարակի պատճառով տառապող աշխարհի համար, աղոթում եմ Աստծո սիրո համար, որպեսզի այն պատի մեզ բոլորիս՝ մեղմելով աշխարհի սիրտը։ Շնորհակալություն, տեր Աստված, մեր կյանքերի համար։ Ամեն»,- գրել է ռեփերը։
