08.11.2024 | 19:00
Թրամփը գուցե զոհաբերի ԱՄՆ-ի դերը Կովկասում ՌԴ-ի հետ հարաբերությունը բարելավելու համար․ Համբիկ Սարաֆյան․ ՏԵՍԱՆՅՈՒԹ
Վլադիմիր Պուտինը՝ ռուս-բելառուսական հարաբերությունների ու արտաքին ճնշման մասին
Քաղաքականություն
29.09.2020 | 17:17
Ռուսաստանի նախագահ Վլադիմիր Պուտինն անդրադարձել է ռուս-բելառուսական հարաբերություններին։ Ռուսաստանի ու Բելառուսի մարզերի ֆորումի շրջանակում տեսաուղերձի ժամանակ նա ընդգծել է, որ Մոսկվան ու Մինսկը կմնան եղբայրական և դաշնակից երկրներ, գրում է ՏԱՍՍ-ը։
«Այժմ, հաշվի առնելով այն բարդ իրավիճակը, որում հայտնվել է Բելառուսի Հանրապետությունը, այդ թվում՝ նախագահական ընտրություններից հետո աննախադեպ արտաքին ճնշումը, կցանկանայի ևս մեկ անգամ կրկնել՝ Ռուսաստանի ու Բելառուսի հարաբերությունները ենթակա չեն ո՛չ ժամանակին, ո՛չ կոնյուկտուրային և ունեն ամուր հիմքեր։ Չէ՞ որ մեր պետություններին կապում են արմատներով դարերի խորքը գնացող մշակութային ու հոգևոր կապ, հսկայածավալ բարեկամական ու ընտանեկան կապերը, ընդհանուր համատեղ պատմությունը»,- ասել է ՌԴ ղեկավարը։
Նա նաև ընդգծել է երկու երկրների մարզերի միջև համագործակցության կարևորությունը՝ հավելելով, որ այդ մասին խոսել է Բելառուսի նախագահ Ալեքսանդր Լուկաշենկոյի հետ նաև Սոչիում։
