28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Իրանը պաշտոնապես հերքել է իր տարածքով Հայաստան զենք տեղափոխելու մասին լուրերը
Քաղաքականություն
29.09.2020 | 16:03
Իրանի ԱԳ նախարարության խոսնակ Սաիդ Խաթիբզադեն հերքել է լրատվամիջոցներում տարածվող տեղեկություններն այն մասին, որ Իրանի տարածքով զենք ու զինամթերք է տեղափոխվում Հայաստան։ Այս մասին ասվում է ԻԻՀ ԱԳՆ կայքում հրապարակված հաղորդագրությունում։
Խաթիբզադեն հայտարարել է, թե սովորական, ոչ ռազմական ապրանքներ Իրանից հարևան երկրներ միշտ են տարվում։
«Նշյալ բեռնատարները հատում են սահմանը հենց այդ ամենի շրջանակում»,- ասել է նա՝ հավելելով, որ Իրանն ուշադրությամբ վերահսկում է այլ երկրներ ապրանքների տեղափոխումը։
«Իրանի Իսլամական Հանրապետությունն ուշադիր հետևում ու հսկում է այլ երկրներ ապրանքների տեղափոխումն ու տարանցումը և թույլ չի տալիս մեր երկրի տարածքն օգտագործել զենքի ու զինամթերքի տեղափոխման համար»,- ասել է Իրանի ԱԳՆ խոսնակը։
Էմմա Չոբանյան
