18.11.2024 | 13:17
Էրդողանը ռուս-ուկրաինական պատերազմը սառեցնելու ծրագիր է պատրաստել․ Bloomberg
ՌԴ-ն ԵԱՀԿ ՄԽ համանախագահների հետ անում է ամեն ինչ, որ կողմերը վերադառնան բանակցային սեղան․ ՌԴ դեսպան. ՏԵՍԱՆՅՈՒԹ
Քաղաքականություն
29.09.2020 | 12:38
Բոլոր պաշտոնական մեկնաբանությունները տրվել են։ Ռուսաստանն ի սկզբանե կողմ է կոնֆլիկտի դեսկալացիային։ Այսօր լրագրողների հետ ճեպազրույցում այս մասին ասաց ՀՀ Հանրային խորհրդի նիստին ժամանած Հայաստանում ՌԴ դեսպան Սերգեյ Կոպիրկինը՝ պատասխանելով հարցին, թե ո՞րն է լինելու Ռուսաստանի արձագանքը որպես ռազմավարական գործընկերոջ։
«Ռուսաստանն ի սկզբանե կողմ է կոնֆլիկտի դեսկալացիային։ Մեր դիրքորոշումը հստակ է՝ ռազմական գործողությունները պետք է դադարեցվեն և կողմերը պետք է վերադառնան բանակցային գործընթացին»,- հավելեց նա։
Դեսպանը նշեց, որ ՌԴ-ն ավանդաբար իր առջև դրված խնդիրը տեսնում է նրանում, որ թույլ չտա էսկալացիա։
«Մեր սկզունքային դիրքորոշումն է, որ լինի խաղաղ որոշում։ Ռուսաստանի Դաշնությունը ԵԱՀԿ Մինսկի խմբի համանախագահների հետ անում է ամեն ինչ, որ ներկա իրավիճակը դադարեցվի և կողմերը կարողանան վերադառնալ բանակցային սեղանի շուրջ՝ խաղաղ եղանակով որոշումներ ընդունելու համար։ Ռուսաստանը ակտիվ կապի մեջ է բոլոր կողմերի հետ։ Հայաստանի վարչապետի և ՌԴ նախագահի միջև հեռախոսազրույց է տեղի ունեցել, ակտիվ շփվում են երկրների ԱԳ նախարարները։ Ռուսական կողմը, բնականաբար, շփվում է նաև ադրբեջանական կողմի հետ, թուրքական կողմի հետ»,- ասաց դեսպանը։
Արդյո՞ք ՀԱՊԿ-ը պատրաստվում է քայլեր ձեռնարկել՝ հաշվի առնելով, որ կրակում են նաև Վարդենիսի ուղղությամբ։ Հարցին ի պատասխան՝ դեսպանը հիշեցրեց գլխավոր քարտուղարի հայտարարությունը․ «ՀԱՊԿ գլխավոր քարտուղարի կողմից արդեն եղել է հայտարարություն՝ կրկին հստակ ուղերձով այն մասին, որ պետք է դադարեցնել ռազմական գործողությունները»։
Factor TV-ի հարցին էլ՝ արդյո՞ք ռուսական ռազմաբազան պատրաստվում է որևէ քայլ ձեռնարկել, դեսպանը պատասխանեց․ «Դե՝ ինչ կարող եմ ասել։ Եվս մեկ անգամ կրկնում եմ, որ Ռուսաստանն անում է հնարավոր ամեն բան, ինչն իրենից կախված է, որ իրավիճակը վերադառնա խաղաղ բանակցություններին»։
Մանրամասները՝ տեսանյութում։
