13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
ՄԱԿ-ի գլխավոր քարտուղարը Լեռնային Ղարաբաղում խաղաղության կոչով է հանդես եկել
Քաղաքականություն
29.09.2020 | 10:44
ՄԱԿ-ի գլխավոր քարտուղար Անտոնիո Գուտերեշը Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ առանձին-առանձին տեսակապի միջոցով զրույցից հետո կողմերին կոչ է արել դադարեցնել կրակը։ Այս մասին հայտնել է գլխավոր քարտուղարի ներկայացուցիչ Ստեֆան Դյուժարիկը, գրում է DW-ի ռուսական ծառայությունը։
«Այդ երկու առանձին զրույցներում նա նույն կոչով է հանդես եկել․ անհրաժեշտ է անհապաղ դադարեցնել ռազմական գործողությունները, նվազեցնել լարվածությունն ու վերադառնալ կառուցողական բանակցությունների՝ առանց նախապայմանների ու հապաղումների»,- հայտնել է Դյուժարիկը։
Հավելենք, որ վարչապետ Նիկոլ Փաշինյանը ՄԱԿ-ի գլխավոր քարտուղարի հետ զրույցում ընդգծել է հակամարտությանը Թուրքիայի ապակառուցողական դերակատարությունն ու շեշտել է, որ Ադրբեջանի գործողություններում Թուրքիան ունի անմիջական մասնակցություն։
