25.09.2026 | 23:40
Եղիշե Մելիքյանը՝ Լատվիայի հավաքականի նկատմամբ հաղթանակի մասին. ՏԵՍԱՆՅՈՒԹ
Այն, որ Վրաստանն արգելում է ռազմական բեռի տեղափոխումը իր տարածքով, նորություն չէ. Մայիլյան․ ՏԵՍԱՆՅՈՒԹ
Քաղաքականություն
28.09.2020 | 23:53
Այն փաստը, որ Վրաստանն արգելում է իր տարածքով ռազմական բեռների տեղափոխումը Հայաստանի համար, նորություն չէ: Այսօր հրավիրված ճեպազրույցում այս մասին ասաց Արցախի արտգործնախարար Մասիս Մայիլյանը` անդրադառնալով լրագրողի դիտարկմանը, որ Վրաստանն արգելում է ՌԴ-ից եկող ռազմական բեռների փոխադրումն իր տարածքով, արդյունքում դրանք տեղափոխվում են Կասպից ծովով և Իրանով:
«Պետք է օգտագործել այն հնարավորությունները, որոնք կան: Այն, որ Վրաստանն արգելում է ռազմական բեռների փոխադրումն իր տարածքով, նորություն չէ: Մեկնաբանելու բան չկա: Սրանից առաջ ևս տեղեկություններ կային, որ բեռները տեղափոխվում են շրջանցիկ ճանապարհով»,- նշեց նախարարը:
Դիտարկմանը, որ Վրաստանը չի արգելում այդպիսի բեռների տեղափոխումն Ադրբեջանի համար, Մայիլյանը պատասխանեց, որ այստեղ պայմանավորվածություն է գործում:
«Ես չեմ արդարացնում: Ես կցանկանայի, որպեսզի աշխատեր երկաթուղին ՌԴ-ից և տեղափոխեր մեզ անհրաժեշտ բեռները: Սակայն պետք է հաշվի առնել վրաց-ռուսական հարաբերությունները»,- նշեց Մասիս Մայիլյանը:
Մանրամասները՝ տեսանյութում:
