Քաղաքականություն
28.09.2020 | 21:27
Երևանն «Իսկանդեր» կկիրառի, եթե Թուրքիան սկսի Լեռնային Ղարաբաղում F-16 օդանավեր կիրառել։ Իսկ առայժմ թուրքական անօդաչուները ոչնչացնելու համար բավարար են ՀՕՊ համակարգերը բավարար են։ ՌԻԱ Նովոստիի հետ զրույցում այս մասին ասել է ՌԴ-ում ՀՀ դեսպան Վարդան Տողանյանը։
Նշվում է, որ 2016 թվականին Հայաստանը դարձավ Ռուսաստանի առաջին գործընկերը, որը ստացավ այս օպերատիվ-տակտիկական համալիրը։
«Ռազմական ղեկավարությունը բազմիցս է հայտարարել, որ եթե Լեռնային Ղարաբաղի ժողովրդի գլխին դամոկլյան սուր կախվի՝ թուրքական F-16-երի տեսքով, բոլոր միջոցները կձեռնարկվեն, այդ թվում՝ «Իսկանդեր»-ները։ Այսինքն՝ Հայաստանի ԶՈՒ-ն ստիպված կլինի օգտագործել իր ամբողջ զինանոցը՝ անվտանգությունն ապահովելու համար»,- ասել է Վարդան Տողանյանը։
Նրա խոսքով՝ առայժմ գործը դրան չի հասել։ Դեսպանն ընդգծել է նաև, թուրքական և ադրբեջանական անօդաչուները ոչնչացնելու համար ՀՕՊ համակարգեր են օգտագործվում։
Ըստ հրապարակման՝ ավելի վաղ ՀՀ ՊՆ ներկայացուցիչ Արծրուն Հովհաննիսյանը նշել է, որ Երևանը, անհրաժեշտության դեպքում, կարող է կիրառել «Իսկանդեր»-ները, իսկ Բաքվում հայտարարել են «համարժեք պատասխանի» մասին։ Թուրքիայում, իրենց հերթին ընդգծել են, որ իրենց զինվորականներին հակամարտության գոտի ուղարկելու կարիք չեն տեսնում։
