01.04.2026 | 12:50
Իրանի կողմից հասցված հարվածների քանակը նվազել է, սակայն աճել է որակը․ Սերգեյ Մելքոնյան․ ՏԵՍԱՆՅՈՒԹ
Երևանը, անհրաժեշտության դեպքում, կդիմի Մոսկվային՝ զենքի նոր խմբաքանակի մատակարարման համար․ ՌԴ-ում ՀՀ դեսպան
Քաղաքականություն
28.09.2020 | 19:14
Հայաստանը, անհրաժեշտության դեպքում, կարող է դիմել Մոսկվային՝ զենքի նոր խմբաքանակների մատակարարման համար, սակայն առայժմ այդ մասին խոսք լինել չի կարող։ Այս մասին ՌԻԱ Նովոստիի հետ զրույցում ասել է ՌԴ-ում ՀՀ դեսպան Վարդան Տողանյանը։
Նա հիշեցրել է, որ նախօրեին վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ, իսկ ԱԳՆ ղեկավար Զոհրաբ Մնացականյանը՝ Սերգեյ Լավրովի, որպեսզի տեղեկություններ հայտնեն ստեղծված իրավիճակի մասին, ներկայացնեն ՀՀ դիրքորոշումը և թե ինչ քայլեր պետք է ձեռնարկի Երևանը։
«Դեռևս խոսք չի գնում Հայաստանին արտաքին ռազմական օգնություն տրամադրելու մասին»,- նշել է դեսպանը։
Վարդան Տողանյանը նշել է նաև, որ Երևանը հուսով է՝ Ռուսաստանը կկարողանա կանգնեցնել ԼՂ հակամարտության ներկայիս սրումը։
«Ռուսաստանը մշտապես զբաղեցրել է ծանրակշիռ հավասարակշռված դիրքորոշում։ Այսօր էլ Ռուսաստանը շահագրգռված է և արտգործնախարարների ու նախագահների միջև հեռախոսազրույցներն ու ռազմական գործողությունները դադարեցնելու՝ Մոսկվայի կոչերը վկայում են այդ մասին։ Հուսով եմ, որ Ռուսաստանը կկարողանա կանգնեցնել այս պատերազմն ու կողմերին նստեցնել բանակցությունների շուրջ՝ Ռուսաստանի ու ԵԱՀԿ Մինսկի խմբի հովանու ներքո»,- ասել է դիվանագետը։
