12.10.2026 | 18:49
Միրզոյանը և Եգիպտոսի ԱԳ նախարարը քննարկել են առևտրատնտեսական ու գործարար կապերի ընդլայնման հարցեր
ԼՂ հակամարտությանը ցանկացած արտաքին միջամտություն անթույլատրելի է․ ԵՄ-ն ու Գերմանիան կոչով են հանդես եկել
Քաղաքականություն
28.09.2020 | 23:03
Գերմանիայի դաշնային կառավարությունը Լեռնային Ղարաբաղում Հայաստանի ու Ադրբեջանի միջև բախումներն անվանել է «վտանգավոր իրավիճակ»։ Բեռլինում նման տեսակետ է հայտնել Գերմանիայի կառավարության պաշտոնական ներկայացուցիչ Շտեֆեն Զայբերտը, գրում է DW-ի ռուսական ծառայությունը։
Նրա խոսքով՝ Բեռլինը զինադադարի ու անհապաղ բանակցությունների սեղանի շուրջ նստելու կոչ է անում։
Գերմանիայի ԱԳՆ ներկայացուցիչն իր հերթին պարզաբանել է, որ Բեռլինը կապի մեջ է երկու կողմերի հետ էլ՝ Երևանում և Բաքվում դեսպանների մակարդակով։
Եվրոպական միությունը սեպտեմբերի 28-ին նախազգուշացրել է 3-րդ երկրներին, որպեսզի վերջիններս ձեռնպահ մնան Լեռնային Ղարաբաղում բախումներին միջամտելուց ու քննադատության է ենթարկել «լուրջ էսկալացիան», որը սպառնում է ամբողջ տարածաշրջանի կայունությանը։
ԵՄ արտաքին քաղաքականության ծառայության ներկայացուցիչ Փիթեր Ստանոն հայտնել է, որ Բրյուսելը դեռևս չի կարող հաստատել հակամարտությանն արտաքին ուժերի միջամտությունը, սակայն հավելել է․ «Այս հակամարտությանը ցանկացած արտաքին միջամտություն անթույլատրելի է»։
