12.10.2026 | 17:51
Էմմա Պալյանը հայտնել է Ալեն Սիմոնյանի օգնականը դառնալու մասին
Չպիտի հուսահատվենք․ մնանք նույն տեղում, նույն դուխով․ պատգամավորը դիմեց Գեղարքունիքի բնակիչներին. ՏԵՍԱՆՅՈՒԹ
Քաղաքականություն
28.09.2020 | 17:01
Այսօր Ազգային ժողովի արտահերթ նիստում «Իմ քայլը» խմբակցության պատգամավոր Թագուհի Թովմասյանը կոչով դիմեց Գեղարքունիքի մարզի բնակիչներին։ Պատգամավորը կոչ արեց չհուսահատվել ու խուճապի չմատնվել։
«Պատերազմի մասին խոսելն ինձ համար կրկնակի դաժան է։ Իմ մանկությունն անցել է պատերազմական տարիներին արկերի պայթյունների, ռմբակոծությունների ու կրակոցների ձայների տակ։ Ես ադրբեջանական վայրագությունները տեսել եմ դեռ դպրոցական տարիներին ու չեմ կարող առանց էմոցիաների խոսել այդ մասին և չեմ կարող չօգտագործել այս ամբիոնը, որպեսզի իմ ուղերձը հասցնեմ իմ սիրելի ծննդավայրի բնակիչներին՝ Գեղարքունիքի մարզի Վարդենիսի, Ճամբարակի շրջանի և հարակից շրջանների բնակիչներին։ Ես ուզում եմ, որ մենք նորից ուղղակի վերապրենք այս ամենը ու չհուսահատվենք։ Մենք տեսել ենք այդ վայրագ վերաբերմունքը, մենք տեսել ենք մեր տների, կարևոր օբյեկտների ռմբակոծությունները և տեսել ենք, որ մեր դաշտերի վրա արկեր են պայթել ու հետո այդ արկերի հետևանքները հավաքել ենք ու այդ դաշտում ցորեն ենք ցանել, կարողացել ենք գոյատևել»,- նշեց պատգամավորը։
Նա նաև կոչ արեց մնալ «նույն տեղում, նույն վճռականությամբ, նույն հետևողականությամբ և նույն դուխով»։
Մանրամասները՝ տեսանյութում։
