19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Դելյագին․ «Եթե Ադրբեջանը 24 ժամում չդադարեցնի ՀՀ-ի դեմ ագրեսիան, ադրբեջանական սփյուռքի ողջ ունեցվածքը պետք է առգրավվի»
Քաղաքականություն
28.09.2020 | 17:17
Եթե Ադրբեջանը 24 ժամում չդադարեցնի Հայաստանի դեմ ագրեսիան, ապա ադրբեջանական սփյուռքի ողջ ունեցվածքը պետք է առգրավվի հօգուտ Ռուսաստանի։ Այս մասին հայտարարել է ՌԴ Գլոբալիզացիայի խնդիրների ինստիտուտի տնօրեն, տնտեսական գիտությունների դոկտոր Միխայիլ Դելյագինը, գրում է Реалист-ը։
«Ագրեսորն անկասկած Ադրբեջանն է։ Երկրի նորմալ ղեկավարությունը պետք է փաստի, որ եթե 24 ժամվա ընթացքում Ադրբեջանը չդադարեցնի պատերազմն ու հետ չքաշի իր զորքերը, ողջ ադրբեջանական բիզնեսն ու դրա հետ կապված բիզնեսները պետք է առգրավվեն՝ հօգուտ պետության։ Սա ամենաքիչն է, որ պետք է արվի»,- նշել է Դեյագինը։
Հավելենք, որ Ռուսաստանի ԱԳՆ-ն կոչ է արել Ադրբեջանին ու Հայաստանին անհապաղ դադարեցնել կրակը։
«Կոչ ենք անում կողմերին անհապաղ դադարեցնել կրակն ու անցնել իրավիճակի կայունացմանն ուղղված բանակցություններին»,- ասվում է ՌԴ արտաքին գերատեսչության տարածած հայտարարության մեջ։
