Գամալեյայի անվան համաճարակաբանության և մանրէաբանության ինստիտուտը սկսել է ռուսական «Արբանյակ V» պատվաստանյութի կլինիկական փորձարկումները ռիսկային խմբի կամավորների վրա։ Այս մասին գրում է ՌԻԱ Նովոստին՝ վկայակոչելով Ռուսաստանի ներդրումների հիմնադրամի ղեկավար Կիրիլ Դմիտրիևին։
«Եկեք սպասենք այդ հետազոտությունների արդյունքներին, սակայն սկզբունքորեն մեր պատվաստանյութը պակաս վտանգավոր է, քանի որ այն ստեղծված է մարդու ադենովիուսի հիման վրա։ Մենք տարեցների վրա բացասական ազդեցություն չենք ակնկալում։ Ծնողներս 74 տարեկան են, նրանք ևս ծրագրի շրջանակում պատվաստվել են ու իրենց հիասքանչ են զգում»,- ասել է Դմիտրիևը։
Հավելենք, որ Ռուսաստանը կորոնավիրուսի դեմ պատվաստանյութը գրանցել է օգոստոսի սզբին։ Այն արդեն փորձարկվել է 18-60 տարեկան կամավորների վրա։
