01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Բարեգործական միջոցներով Արցախում մեկնարկել է զոհված ազատամարտիկների երեխաներին օժանդակության ծրագիրը
Հասարակություն
24.09.2020 | 21:59
«Զոհված ազատամարտիկների երեխաներին» բարեգործական կազմակերպության նախաձեռնությամբ Մարտակերտի շրջանի զոհված ազատամարտիկների 30 ընտանիքներ ստացել են 50 հազարական դրամ ֆինանսական աջակցություն:
Այս մասին «Արցախպրես»-ի թղթակցի հետ զրույցում ասել է «Զոհված ազատամարտիկների երեխաներին» բարեգործական կազմակերպության նախագահ Յուրի Մուսայելյանը՝ նշելով, որ կառույցը երկու ամիս է, ինչ սկսել է իր գործունեությունը:
Յու. Մուսայելյանը ազատամարտիկի որդի է, ով քաջ գիտակցում է զոհված ազատամարտիկների երեխաների կորստի չափը: Նրա խոսքով՝ յուրաքանչյուր բարեգործություն ինչ-որ չափով թեթևացնում է նման ընտանիքների հոգսերը:
«Պետական մարմինների հավանությանն արժանացած այս ծրագիրը կրելու է շարունակական բնույթ: Նախատեսվում է յուրաքանչյուր ամիս 5000 դոլար բաժանել հանրապետության բոլոր համայնքներում ապրող զոհվածների հարազատներին: Կազմակերպությունն այս ծրագիրն իրականացնում է տարբեր անհատ բարերարների տրամադրած գումարներով: Այս անգամ գումարը տրամադրել է «Ղարաբաղ տելեկոմ» ՓԲ ընկերությունը»,- ավելացրել է Յու. Մուսայելյանը:
Նրա խոսքով՝ հանրապետությունում ապրող բոլոր ազատամարտիկների երեխաները կազմակերպության միջոցով կստանան համապատասխան աջակցություն:
