29.09.2026 | 20:00
Փաշինյանն ասում է՝ ՌԴ-ն ուզել է իշխանություն զավթել ՀՀ-ում, ու դեռ Պուտինի՞ն պիտի հանդիպի Մոսկվայում․ Էդգար Ղազարյան․ ՏԵՍԱՆՅՈՒԹ
Ասում են՝ միանգամից պետք է 3 ամսվա վճար կատարեք, դա վարկային արձակո՞ւրդ է համարվում․ Հ․ Հարությունյան
Տնտեսություն
24.09.2020 | 14:16
«Բարգավաճ Հայաստան» խմբակցության նախաձեռնությամբ այսօր «Վարկերի և ժամկետանց այլ պարտավորությունների նկատմամբ տույժերի, տուգանքների և վարկային տոկոսադրույքների կիրառման, դրանց համաներման և այլ վարկային հիմնախնդիրները ՀՀ բանկային համակարգում» թեմայով խորհրդարանական լսումներ է կազմակերպել:
«Ոչ վարկային թալանին» նախաձեռնության հիմնադիր անդամ Հովհաննես Հարությունյանն անդրադարձավ Կենտրոնական բանկի նախագահի տեղակալ Ներսես Երիցյանի պնդմանը, որ մասսայական վարկային արձակուրդը կհանգեցնի շատ մեծ մակրոտնտեսական, ֆինանսական և բարոյական վնասների:
«Դուք, փաստորեն, որ տոկոսները չեք իջեցնում, մտածում եք ՀՀ քաղաքացիների մասի՞ն։ Ասում եք, որ եթե տոկոսները ցածր լինեն, քաղաքացիները կսկսեն ավելի շատ վարկեր վերցնել և կընկնեն վարկային բեռի տա՞կ»,- հարց ուղղեց Հովհաննես Հարությունյանը:
Նա նաև հետաքրքրվեց՝ արդյո՞ք վարկային կազմակերպությունների աշխատանքը լիարժեքորեն վերահսկվում է ԿԲ-ի կողմից: Ներսես Երիցյանն արձագանքեց, որ տնտեսագիտության օրենք է՝ երբ տոկոսները բարձրանում են, վարկերի նկատմամբ պահանջարկն ընկնում է, իսկ երբ տոկոսներն իջնում են, վարկերի նկատմամբ պահանջարկը մեծանում է:
«Եթե վարկերի պայմաններն անտրամաբանական լավացնես կամ վարկային արձակուրդ տրամադրես, բնականաբար, կլինի անխոհեմ վարկավորման աճ: Աշխարհի փորձը ցույց է տվել, որ ճգնաժամերի ճանապարհը հենց դա է»,- ասաց Երիցյանը:
ԿԲ նախագահը վստահեցրեց, որ վարկային կազմակերպությունների գործունեությունը լիարժեք վերահսկվում է ԿԲ-ի կողմից:
Մանրամասները՝ տեսանյութում:
