24.02.2026 | 16:52
Ադրբեջանի և Հայաստանի միջև հարաբերությունների կարգավորման գործընթացը դրական է ընթանում. թուրք պատգամավորը՝ Բաքվում
Սեպտեմբերի 11-ից մինչ օրս թվերը սկսել են աճել․ նախարար. ՏԵՍԱՆՅՈՒԹ
24.09.2020 | 11:32
Այս պահին հիվանդանոցներում ունենք 1․230 սովորական մահճակալ և 170 մահճակալ վերակենդանացման բաժանմունքում, որոնց 30 տոկոսն ազատ է: Այս մասին այսօր Կառավարության նիստում ասաց առողջապահության նախարար Արսեն Թորոսյանը:
«Մենք ասում էինք, որ ամենաբարձր թիվը հուլիսի 6-ի շրջաններում էր, և ամենացածր թիվը եղել է սեպտեմբերի 11-ին, որից հետո թիվն աճում է՝ պայմանավորված մարդկանց շարժունակության մեծացմամբ, ինչպես նաև համաճարակային կանոնների պահման կարգապահությամբ»,- ասաց նախարարը:
Նա նաև հավելեց, որ կորոնովիրուս հիվանդության հետ ապրելու տրամաբանության և ռազմավարության շրջանակում պետք է շարունակենք կրել դիմակներ, պահել սոցիալական հեռավարություն և հաճախ լվանալ ձեռքերը: Նախարարը նկատեց, որ կան գործոններ, որոնք դժվար են կառավարվում:
«Մասնավորապես, հասարակական տրանսպորտով երթևեկելը վիրուսի տարածման ուղիղ ռիսկի գործոն է: Դպրոցները բացելը նույնպես գործոն է, բայց այս պահին տարածման թվերը դպրոցներով չեն պայմանավորում, բայց եթե կտրուկ աճը լինի, ապա դա պայմանավորված կլինի դպրոցները բացելու հետ»,- ասաց նախարարը:
Մանրամասները՝ տեսանյութում:
