12.10.2026 | 11:01
ԱԺ արտահերթ նիստը՝ ՈՒՂԻՂ
Անգելը Մերկելը ՄԱԿ-ին միասնության ու փոփոխություններ իրականացնելու կոչ է արել
Քաղաքականություն
22.09.2020 | 13:33
Գերմանիայի կանցլեր Անգելա Մերկելը ՄԱԿ-ի 75-ամյակի կապակցությամբ հանդես է եկել տեսաուղերձով՝ իր անհանգստությունը հայտնելով կազմակերպությունում թիմային ոգու պակասի կապակցությամբ։ Այս մասին հայտնում է DW-ի ռուսական ծառայությունը։
Ըստ Մերկելի՝ ՄԱԿ-ը հաճախ չի հասցնում իր իդեալների հետևից, քանի որ կազմակերպության առանձին անդամների շահերը կարգավորված համակարգին խանգարում են ինչպես հարկն է աշխատել։
Միաժամանակ, Գերմանիայի կանցլերը սխալ է համարել այն մարդկանց դիրքորոշումը, որոնք կարծում են, թե միայնակ կհաջողվի հաղթահարել խնդիրները։
«Մեր հաջողություններն ու անհաջողությունները կիսում են բոլոր անդամ երկրները»,- նշել է նա՝ ընդգծելով, որ համաշխարհային խնդիրները պահանջում են համագործակցություն բոլոր մակարդակներում՝ օրինակ բերելով COVID-19-ի համաճարակը։
Գերմանիայի կանցլերը նաև քննադատել է ՄԱԿ-ի Անվտանգության խորհրդում վետոյի՝ չափից շատ կիրառումը, երբ խոսքը գնում է հստակ արտահայտված որոշումների մասին, և առանջնահատուկ շեշտել այդ կառույցում բարեփոխումներ իրականացնելու անհրաժեշտությունը։ Ըստ Մերկելի՝ ՄԱԿ-ը պետք է զարգանա, որպեսզի կարողանա հաղթահարել 21-րդ դարի մարտահրավերները։
