30.06.2026 | 18:02
Համբարձում Մաթևոսյանը Սեուլում ներկայացրել է Հայաստանի տեսլականը՝ որպես COP17-ը հյուրընկալող երկիր
Մանրամասներ Մալաթիայում տեղի ունեցած սպանությունից. մեղադրանք է առաջադրվել սպանվածի քեռորդուն. «Ժողովուրդ»
09.12.2017 | 10:12
«Ժողովուրդ» թերթը գրում է. «Դեկտեմբերի 6-ին Երևանում աղմկահարույց սպանություն էր տեղի ունեցել: «Նիսան» մակնիշի ավտոմեքենայի մեջ հրազենային վնասվածքներով հայտնաբերվել էր Երևանի բնակիչ Արշակ Գալստյանի դին:
Ավելի ուշ հայտնի դարձավ, որ այս սպանության համար մեղադրանք է առաջադրվել Գալստյանի քեռու որդուն՝ Կարենին, որը, սակայն, ավելի հայտնի է Չորրորդ գյուղի Ջոնիկ անունով:
Մեր տեղեկություններով՝ սպանության պատճառը եղել է գումարային հարցերի շուրջ առաջացած տարաձայնությունը: Ջոնիկը պարտքով մոտ 15 հազար դոլար է տվել հորաքրոջ որդուն: Վերջինս չի կարողացել վերադարձնել, և տհաճ խոսակցությունն ավարտվել է սպանությամբ: «Ժողովուրդ» օրաթերթին հայտնի դարձավ, որ դեպքից հետո իրավապահները բացահայտել են՝ Կարենը լքել է երկիրը: Նրա դատարկ մեքենան հայտնաբերել են «Զվարթնոց» օդանավակայանում: Մեքենայում խուզարկությամբ հայտնաբերվել է միայն «ԱԿՍ» մակնիշի ինքնաձիգը, որով էլ, հավանաբար, կատարվել է սպանությունը»:
Առավել մանրամասն՝ թերթի այսօրվա համարում:
